Hasad karne wale ka anjam bure ka anjaam bura hota hai

  

Bismillah Ki Barkat

Assalamu Alaikum doston! Is mazmoon mein Bismillah Shareef ki barkat aur fazilat ke bare mein tafseel se likha gaya hai. Aaiye jante hain ke Bismillah ki fazilat aur barkat kya hai.

Bismillah Shareef Ki Ahmiyat

Bismillah Shareef Allah Ta'ala ka zikr hai aur Quran Pak ki aayat ka hissa bhi hai. Jo shakhs Bismillah Shareef ka vird karega, usko Quran Majeed ki tilawat ka sawab milega aur zikrullah karne ka ajr-e-azeem bhi hasil hoga.

Bismillah Parhne Ki Barkat

Jo kaam Bismillah padh kar kiya jata hai, usme barkat, rehmat aur kher ka nuzool hota hai. Jis kaam ko Bismillah se shuru na kiya jaye, woh adhura aur barkat se mehroom reh jata hai. Isiliye shari'at ne musalmanon ko har nek kaam Bismillah se shuru karne ka hukm diya hai taake har amal kher o barkat aur rahmat wala ho.

Hadees Shareef

Huzoor Nabi Kareem Sallallahu Alaihi Wasallam ne irshad farmaya:
"Har woh kaam jo Bismillah-ir-Rahman-ir-Raheem padh kar shuru na kiya jaye, woh adhura aur naqis reh jata hai." (Durre Mansoor, Jild 1, Safha 45)

Jab Bismillah Shareef Nazil Hui

Jab Allah Ta'ala ne Bismillah Shareef nazil farmayi, tab:
- Badal poorab ki taraf chhat gaye,
- Hawaayein ruk gayin,
- Samundar mein josh aa gaya,
- Janwaron ne kaan laga diye,
- Aasmaan se shayateen par pathar barsaye gaye.
Allah Ta'ala ne farmaya:
"Jis cheez par mera naam liya jayega, usmein barkat hogi." (Durre Mansoor, Jild 1, Safha 44)

Bismillah Ke 19 Haroof Aur Unki Barkat

Bismillah Shareef mein kul 19 huroof hain. Jo shakhs Bismillahir-Rahmanir-Raheem padhta hai, Allah Ta'ala usko dozakh ke 19 farishton ke azab se nijat bakhsh deta hai.
Hazrat Abdullah Bin Masood RadiAllahu Tala Anhu ne farmaya:
"Jo chahta hai ki Allah Ta'ala use dozakh ke 19 farishton se nijat de, to woh Bismillah-ir-Rahman-ir-Raheem padhe." (Durre Mansoor)

Bismillah Ki Tilawat Ka Sawab

Hazrat Abdullah Ibn Abbas RadiAllahu Anhu se marvi hai ke Rasool Allah Sallallahu Alaihi Wasallam ne farmaya:
"Jab ustaaz bachay ko Bismillah padhne ko kahta hai, to Allah Ta'ala ustaaz, shagird aur us bachay ke maan baap ke liye jahannam ki aag se nijat likh deta hai." (Durre Mansoor)
Hazrat Abdullah Ibn Masood RadiAllahu Anhu se riwayat hai:
"Jo shakhs Bismillah-ir-Rahman-ir-Raheem padhega, Allah uske liye har harf ke badle 4000 nekiyan likh dega, uske gunah mita dega aur jannat mein 4000 darje buland farma dega."

Bismillah Ki Fazilat Aur Ek Waqia

Qaisar-e-Room ne Hazrat Umar Farooq RadiAllahu Anhu ke paas ek khat likh kar bheja ke:
"Mere sar mein dard hai, aap mere liye koi dawa bhejiye."
Hazrat Umar Farooq RadiAllahu Anhu ne ek topi bhej di. Jab Badshah us topi ko pehenta, to dard door ho jata aur utarne par dard shuru ho jata. Jab topi dekhi gayi to us mein ek kagaz nikla, jis par Bismillah likha hua tha. Badshah samajh gaya ke yeh Bismillah ki barkat hai.
(Tafseer Kabeer Ruhul Bayan)

Khulasa

Doston, Bismillah Shareef ki bahut fazilat aur barkat hai. Humein chahiye ke hum har nek kaam Bismillah se shuru karein taake gunah maaf ho sakein, beshumar nekiyan mil sakein aur darje buland ho sakein.
Aaiye, har amal ko Bismillah se shuru karne ka ahad karein!

Yah Bhi Padhen