hazrat aadam alaihissalam aur shaitan

assalamualaikum.

is post main ek hikayat likh raha hoon jis main maloomat bhi hai aur sabaq bhi hai hai

Allah tala ne hazrat aadam alaihissalam ka jism tayyar kiya to jab farishton ne ek nai shakal aur surat dekh kar tajjub ka izhar kiya aur aapka husn o jamal aapki khubsoorti dekh kar farishte khush bhi huye lekin jab shaitan ne dekha to jal gaya aur kehne laga ke bhala yeh kyon paida kiya gaya

shaitan ne farishton se kaha ke agar Allah tala ne ise ham par tarjeeh dedi to tum kaya karoge shaitan ke yeh kehne par parishton ne kaha ham apne Rab ka hukm manenge

[ads id="ads1"]

shaitan jo pehle hi se jal bhun gaya tha apne ji hi ji main qasam khakar kaha agar khuda ne use mujh par tarjeeh dedi to main hargiz khuda ka hukm nahi manunga balke main ise halak kardunga aur shaitan ne apni jalan hasad main hazrat aadam alaihissalam ke jism par thook diya jo aapki naaf ki jagah par pada

Allah tala ne hazrat jibrail alaihissalam ko hukm diya ke utni jagah se mitti samet nikal do hazrat jibrail alaihissalam ne utni jagah se thook samet utni mitti nikal di

us mitti ka kya hua jo hazrat jibrail ne hazrat aadam alaihissalam ke jism aqdas se nikala tha

Allah tala ne us mitti se kutta paida farmadiya doston aapne dekha hoga aur is baat par gaur kiya hoga ke kutte ke andar 3 aadaten hoti hain

1) use aadmi se uns mohabbat hai

2) raat ko jagta hai

3) aadmi ko kat,ta hai

kutte ko aadmi se uns mohabbat kyon hoti hai iski wajah kya hai

[ads id="ads2"]

iski wajah yeh hai ke use aadmi se mohabbat isliye hai ke mitti aadam alaihissalam ki hai aur raat ko jagta isliye hai ke hazrat jibrail alaihissalam ka hath laga hai aur kat.ta isliye hai ke thook shaitan ki hai

is sari hikayat aur waqia se hamen ye sabaq milta hai ke Allah ke jo maqbool aur mehboob bande jo hote hain shaitan hamesha unka dushman hota hai aur shaitan main ananiyat aur guroor bahut hai aur isi ananiyat aur guroor ki wajah se aadam alaihissalam ka dushman ban gaya aur hazrat aadam alaihissalam ke badan aqdas par shaitan ne jo thooka to usse ye bata diya ke Allah walon ki shan main gustakhi karna mera shewa hai

aur yeh bhi maloom hua ke bila chun wa chara Allah tala ka hukm man lena farishton ki sunnat hai aur uske hukm ko heel wa hujjat karke na manna shaitan ki aadat hai lihaza hamen farishton ki sunnat ko apnana chahiye na ke shaitan ki aadat ko !