Har chiz mein har shai mein naam e Mohammed sallallahu alaihi wasllam hai
Doston ham is duniya main rehte hain hamara bistar zameen hai to hamara chhat aasman hai aur phir is main beshumar chizen bhi Hain agar aap in be shumar chizon main chahe phool ho darakht ho nadi ho zameen ya aasman ho Jo bhi chiz ho agar aap uska jo naam hai uske adad nikalenge aur ek khas qism se un adad ko guna bhag karenge to har chiz main adad 92 aayega
Har chiz mein har shai mein naam e Mohammed sallallahu alaihi wasllam hai
isi chiz ko smajhne ke liye guru nanak ki chopai ko padhiye aur dekhiye ke guru nanak ne kis Andaz se bataya hai ke har chiz main name Mohammad sallallahu alaihi wasallam hai
Guru Nanak likhte hain
naam jis vastu ka Karo tum chogne daav
2 Mila Ke pach gan kijiye 20 bhag lagao Baqi bache to 9 gun kijiye piche 2 milao Nanak is budhh Har shai mein tum naam Mohammed pao
matlab yeh hai ki tum duniya mein Kisi chiz ke naam ka adad nikal kar usko 4 se zarab do phir usmein 2 milakar 5 se zarab do phir us pure adad ko 20 se taqseem kar do phir taqseem ke bad Jo adad bacha Rahe usko 9 se zarab dekar 2 Milado to 92 ka adad nikal padega Jo Mohammad Ka adad hai
Aye Nanak is Tarah tum har shai har chiz mein Mohammed Ka naam paoge misal ke taur per "jadeed" ek lafz hai jiska adad 21 hai usko 4 se zarab do to 84 hua phir usmein do Mila Diya to 86 ho Gaya phir usko 5 se zarab Diya do 430 ho gaya ab 430 ko 20 se taqseem kiya to 10 Raha ab usko 9 se zarab Diya to 90 ho Gaya fir usmein do Mila Diya To banawe 92 ho Gaya aur yahi Mohammed Ke naam Ka adad Hai is Tarah sabit hota hai ke
rehmat rasool e Pak ki har shai main aam hai
har Gul mein har shajar mein Mohammed ka naam hai
sallallahu alaihi wasllam
yahan per ek baat Aur bhi samajhte chale Jo point ki baat hai nukte ki baat hai ki har Shai per har chiz per jab la ilaha illallahu muhammadur rasulullah ki tehreer ka jalwa nazar a raha tha aur Allah tala ne har chiz per Apne naam ke sath Apne Habib ka naam bhi naqsh farma Diya Hai to is se yeh nukta point samajh mein aata hai ki jis Tarah ham Apne Samanon per apna naam kunda karate Hain misal ke taur per aapne apni ghadi per apna naam Mohammed Ali likhwaya Aur is ghadi per Switzerland ki company ka naam bhi likha hua hai ab is ghadi ko dekhne wala pehli nazar mein Jaan lega aur pehchan lega ke is ghadi ka banane wala to Switzerland ki company wala Hai magar is waqt is ghadi ka Malik Mohammed Ali Hai Bila tashbih isi Tarah har chiz per la ilaha illallah muhammadur rasulullah ki tehreer tajalli farma kar Allah tala ne yeh irshad farmaya ke aye duniya wa akhirat ki nematon ko dekhne walon aur jannat ul naeem ke jamalistan Ka nazara karne walon tum har chiz per la ilaha illallah likha Dekh Kar yeh samajh lo ke is chiz Ka khaliq To Allah hai aur muhammadur rasulullah padhakar yaqeen kar lo Ke khuda Ki ataa se is waqt is chiz Ke Malik Muhammadurrasool Allah sallallahu alaihi wasllam hain
Mujhe ummid hai ke aapko samajh aa Gaya hoga ke har chiz main naam e Mohammed sallallahu alaihi wasallam hai !
Post a Comment