SUNNAT AUR HIKMAT

SUNNAT AUR HIKMAT 2

assalamu alaikum aajkal log khana ache se acha to khana chahte hain aur khate bhi hain lekin bahut si chizon ko nazar andaz kar dete hain jis ki wajah se khana hamare liye fayde ki jagah nuqsan wala ho jata hai aur sehat par jiska asar bahut padta hai aaiye jante hain ke hame khana khane se pehle aur khate waqt kis kis chiz ka khyal rakhna chahiy

khana khane ki sunnaton ke silsile main chand ek hikmat padhiye

KHANA KHANE SE PEHLE MISWAK KARNA SUNNAT HAI

dant mada main jane wali giza ko zaroorat ke mutabiq chaba kar hazam karne ke muqabil banate hain isliye danton ki safai bahut zaroori hai

danton aur munh ki khali jaghon main aise madde paida hote rehte hain jo sehat ke liye nuqsan deh hain danton ki safai na karne ki wajah se giza ke sath woh made milkar andar dakhil hote hain

jiski wajah se nizam hazmah main kharabi paida hoti hai aur insan mukhtalif bimariyon main mubtila ho jata hai

KHANE SE PEHLE HATHON KO DHONA AUR KULLI KARNA SUNNAT HAI

khane se pehle hath dhone ki wajah se hathon ki safai hoti hai jiski badault ek to barkat hoti hai aur dusra ye ke insan gande hath se khana khane ki wajah se jin pet ki bimariyon main mubtila hona hai un se bach jata hai

HATH DHOKAR KISI KAPDE SE NA PONCHHNA SUNNAT HAI

since ke mutabiq aisa karne se kapde par maujood jaraseem hath main muntaqil ho kar khane ke sath pet main chale jate hain aur pet ki kharabi ka sabab bante hain

KHANA BETH KAR KHANA SUNNAT HAI

tibbi lihaz se khade hokar khana khane se peth badh jata hai jiski wajah se kai aur bimariyan paida hoti hain

KHANA THANDA KARKE KHANA SUNNAT HAI

khana thanda karke khane se murad yani ziyada garam bhi na ho jis main se bhap nikal rahi ho aur bilkul thanda bhi na ho ke khane main lazzat kam ho jaye balke darmiyana kar ke khana chahiye

huzur akram sallallahu alaihi wasallam ne farmaya ke garam khane main barkat nahi hai

tibbi lihaz se jab garam khana made main jata hai to made main khoon jamna shuru ho jata hai jab ye amal bar bar hota hai to made main sujan paida hoti hai jiski wajah se bhook khatam ho jati hai bilkhusus nashta ke liye ji nahi chahta

kabhi kabhi qai (ulti) aur pet main jalan mehsus hoti hai aur aakhir alsar ki bimari paida hoti hai

TEEN UNGLIYON SE KHANA KHANA SUNNAT HAI (dayin hath ki beech wali ungli shadat wali ungli aur anguntha)

aisa karne se luqma chhota aur chabane main aasan hota hai jiski wjah se made par wazan nahi padta aur pet main kharabi paida nahi hoti

LUQME CHHOTE LENA AUR ZIYADA CHABA KAR KHANA SUNNAT HAI

ziyada chabane se giza main luaab achchhi tarah mil jata hai jis se hazam karne wale aaza ko hazam karne main aasani hoti hai aur insan pet ke dard aur deegar bimariyon se mehfooz ho jata hai

hazrat ibn uamar razi Allahu anhu se riwayat hai ke nabi sallallahu alaihi wasallam ne farmaya ke qyamat ke din sabse ziyada bhuka woh shakhs hoga jo duniya main ziyadah pet bhar kar khata hai (tirmizi shareef)

puri duniya ke mahereen tibb is baat par muttafiq hain ke sehat us waqt kharab hona shuru hoti hai jab giza ke istemal main ehteyat na ki jaye aur badhti hui ziyada bimariyon ki ek wajah ziyada khana bhi hai ziyada khane ki wajah se

shoogar

gais

motapa

aur hazma main kharabi wagairah paida hoti hai (islam aur jadid tibb)

MEETHA KHANA BEECH MAI AUR NAMKEEN SHURU AUR AAKHIR MAIN KHANA SUNNAT HAI

jadid tibbi tehqiq ke mutabiq mithi chizen danton main lagi rehne ki wajah se danton ko kharab kar ke aakhir na kara bana deti hain lekin agar mithi chizon ke baad namkeen khya jaye to

danton aur masudhon par laga hua mithas ka asar zail ho jata hai aur dant mehfooz rehte hain

KHANA KHATE WAQT PANI BEECH MAIN PINA SUNNAT HAI

tibbi usool ke mutabiq khane ke aakhir main pani pine se ek to pet bada ho jata hai dusra ye ke hamara madah pehle pani jazb karta hai phir khana hazam karta hai isi liye aakhir main pani pine se hamara madah khna hazam karne ke bajaye

pani jazb karne main lag jata hai natijatan bad,hazmi aur qabz ki takleef paida hoti hai