BACHCHO KO SIKHAO MOHABBAT HUZUR SALLALLAHU ALAIHI WASALLAM KI
assalamu alaikum ek musalman hone ki haisiyat se waldain ki pehli zimmedari hai ke woh apni aulad ko huzur nabi kareem sallallahu alaihi wasallam ki mohabbat sikhaen hazrat ali raziAllahu anhu se riwayat hai ke nabi kareem sallahu alaihi wasallam ne farmaya apni aulad ki teen khaslaton par tarbiyat karo 1 tumhare nabi sallallahu alaihi wasallam ki mohabbat 2 ahlebait paak ki mohabbat 3 tilawat quran be shak quran ki tilawat karne wala ambiya v asfiya ke sath us roz arsh e ilahi ke sae main hoga jis din arsh e ilahi ke elawa koi saya na hoga (jamauljawame j1)nabi kareem sallallahu alaihi wasallam ki mohabbat imaan ki jaan hai mohabbat nahi to kuchh nahi -mohammad ki mohabbat deen e haq ki shart awwal hai isi main ho agar khami to sab na mukammal hai - hamare jo bachche hain yahi aage chalkar muashre ki bag dor sambhalenge lihaza khoob mehnat kijiye apne bachchon ki tarbiyat par aur apne bachcho ki nas nas main ishq e rasool sallallahu alaihi wasallam basa dijiye inshaAllah ye duniya v akhirat main sarkhuru honge aur yaqeen maniye ishq e rasool hi woh quwwat hai jo musalman ko kabhi past ya na kam nahi hone deti ab ham ye samajh len ke kis andaz aur kya tareeqa apnaen ke hamari aulad bachcho ko nabi kareem sallallahu alaihi wasallam ki mohabbat sikha saken to aaiye kuchh baten arz karta hun apni aulad ko nabi sallallahu alaihi wasallam ki mubarak sirat padhaiye aur aap ke bachpan mubarak ke waqiaat sunaiye aap sallallahu alaihi wasallam ke mojzat bayan kijiye bachchon ko ye bataiye ke aaqa ne chand ko ishara kiya to chand do tukde ho gaya duba suraj wapas aa gaya ye bhi bataiye aaqa ki sunnaton ke bare main bataiye darood o salam padhne ka aadi banaiye naat shareef sikhaiye buzurgan e deen ke ishq e rasool ke ahwal bataiye waqiat bayan kariye unke samne garz ke apni aulad ko bachpan hi se nabi sallahu alaihi wasallam ki mohabbat ki taleem dijiye taki hamari aulad sachi v pakki ashiq e rasool bane aur hamare bachchon ko duniya v aakhirat main bhalai nasib ho
Post a Comment