IBADAT KYA HAI

ASSALAMU ALAIKUM HAM AHLE SUNNAT V JAMAT MAIN QABRON KI ZIYART AUR HAZRI JAIZ V MUSTAHAB HAI AUR HAM MOMIN MUSALMAN ALLAH KE

MAQBOOL BANDON KI BARGAH MAIN HAZRI DETE HAIN KUCHH LOG JO DUSHMAN E AULIYA HAIN WOH SHIRK VBID,AT KA FATWA LAGATE HAIN

AUR YAHAN TAK UNKI ZUBAN BAHAR NIKALTI HAI KE QABR PUJWA KA ILZAM TAK LAGATE HAIN TO AAYIYE IS POST KO GAUR SE PADHIYE IS MAIN

YAHI BATAYA GAYA HAI KE IBADAT KYA HAI TAZEEM KYA HAI

lugat arab main ibadat ka mani hai usko aap roman urdu main padhiye ( aajzi aur ita,at ka aakhri darjah)

aur shariyat islamiyah main ibaadat ka itlaq us aajzi v ita,at par hota hai jo kisi hasti ko ILAH tasawwar

kar ke us ke liye ikhteyar ki jaye aur zahir hai ke kisi hasti ko jab ILAH yani khuda tasawwar kar ke uski

ita,at ki jayegi ya uske samne aajzi ka izhar kiya jayega to wohi ita,at v aajzi aakhri darje ki hogi

lehaza natija ye nikla ke gair ILAH ki ita,at aur uski tazeem par ibadat ka itlaq nahi hoga jaisa ke islam main

maa baap ustaz buzurgan e deen aur ambiya e kiram ke adab v ehteram ka hukm diya gaya hai aur aise hi maqam muqaddasa

aur Allah ke bandon ki nishaniyon ki tazeem v takreem ki taleem di gai hai jaisa ke Allah tala ka irshad hai

quran aur jo Allah ki nishaniyon ki tazeem kare to ye dilon ke taqwa ki wajah se hai (surah haj )

aur quran majeed main hazrat ibrahim alaihis salam se mansoob pat,thar maqam e ibrahim aur hazrat hajrah radiAllahu anha se

mansoob pahadiyon safa v marwa ko Allah tala ne apni nishaniyan qarar diya hai aur maqam e ibrahim ko jaae namaz banane ka khususi

hukm dekar wajibul tazeem aur mutabarrak qarar diya hai

IBADAT E KHUDA AUR TAZEEM E IBADULLAH main farq ki ek misal sajdah bhi hai farishton ne Allah ko ILAH jankar sajdah kiya to

ibaadat e khuda qarar paya aur jab hazrat aadam alaihis salam ko khalifatullah jan kar sajdah kiya to ye sajdah tazeem aadam

alaihis salam qarar paya

isi tarah namaz main bargah e rab tala main do zanu baithna Allah tala ki ibadat hai aur isi surat main hazrat jibrail alaihis salam

ka jab woh insani surat main bargah e nabvi sallallahu alaihi wasallam main hazir huye ,baithna (mishkat kitabul iman)

aur isi tarah mureed shagird aur aulad ka shaikh ustaz ya waldain ke samne do zanu baithna ibadat nahi balke mehaz adab v tazeem hai

lihaza sabit hua ke kisi hasti ko ILAH samajh kar uske sath adab v ita,at ka jo mamla bhi hoga us par ibadat ka itlaq hoga

aur agar kisi hasti ke bare main ILAH hone ka aqeedah nahi hoga to uski tazeem v takreem aur ita,at par ibadat ka itlaq nahi hoga

lihaza musalmano ka roza e rasool sallallahu alaihi wasallam ya auliya e kiram ki quboor par khade ho kar ya do zanu baith kar

salam arz karna ya fateha khawani karna mehaz adab v tazeem hai aur qat,an ibadat e quboor nahi kyonke koi musalman bhi

Allah tala ke siwa kisi hasti ko ILAH yani khuda nahi manta

Jawaz