Khasane khuda dur se sunte dekhte aur madad karte Hain
Hazrat ambiya Alaihimus salam aur hazrat awliya aur shohda e kiram ridwanullahe tala alaihim ke sunne dekhne ko hargiz Apne upar qayas nahin karna chahiye ham log to qareeb hi ki chizon ko dekh aur sun sakte hain bahut dur ki chizon ko na ham log dekh sakte hain na bahut dur ki pukar sun sakte hain magar Allah tala Apne khaas mahbubon ko aisi rohani taqat ata farma deta hai ki woh bahut dur ki chizon ko dekh lete hain aur bahut dur ki awaazon ko apni ruhani taqat se sun lete hain is silsile mein hazrat sulaiman alaihissalam ke wazir hazrat Asif bin barkhiya Radi Allah hu tala anhu Ka waqia yad rakhen Jo ek aalim aur wali the ke hazrat sulaiman alaihissalam ne apne darbariyon se farmaya ke kaun aisa hai jo mulk Saba se bil qees ke takht ko bil qees ke yahan aane se pehle mere darbar mein laa de to hazrat Asif bin barkhiya Radi Allahu tala anhu ne arz kiya ke Quran majeed mein is Ka zikr hai (tarjuma) main use aapke Palak jhapkaane se pehle hi la dunga (para 19 Surah Namal aayat 40)
chunanche unhone apni karamat se ek second mein takht ko lakar hazrat sulaiman alaihissalam ke darbar mein lakar hazir kar diya
gaur kijiye ke baitul muqaddas mein darbar ke andar baithe hue senkdon meel dur ke takhat ko Dekha Nahin ke woh kahan hai to use uski jagah se lay kyon kar maloom hua ki unhone pehle itni dur se takht ko dekh liya ke woh kahan hai phir hath badhakar zameen ke andar hi andar usko khinch laaye is quraani waqia Ka kaun inkar kar sakta hai ya kaun hai Jo ismein shak kar sakta hai agar koi inkar ya shak karega to quraan Ka munkir aur kafir ho jaega
isi Tarah hazrat Ibrahim alaihissalam ko Allah tala ne ek pathar per khada Karke aasman aur zameen aur jannat aur dozakh aur Sari kaynaat ka mushahida kara diya chunanche quran majeed main hai ke (tarjuma) aur isi Tarah ham Ibrahim ko dikhate Hain sari badshahi aasmanon aur zameen ki aur isliye ke woh ainul yaqeen walon mein se ho jaaye (para 7surah anaam ayat 75)
Gaur farmaiye ke hazrat Ibrahim alaihissalam ne ek pathar per khade hokar aasman aur zameen ki sari badshahi ko dekh liya sabki awaazon ko sun liya yahan tak ke jannat aur dozakh ke ehwal ko bhi dekh liya aur makhlooq ke Amal mein se kuchh bhi unse na chhupa aapka yeh khuda dad moujaza tha kyonke aap Nabi the isi Tarah awliya Allah dur ki chizon ko dekhte aur dur ki awaazon ko sun lete hain yeh awliya ki khuda daad karamat hoti hai
To sabit ho gaya quran majeed se ke Allah ke mehboob bande ( ambiya kiram auliya e kiram ) door se sunte dekhte aur madad karte hain !
Post a Comment