ISLAMI LIBAS
islami libas ye hai ke mard ko naaf se ghutne tak ka jism dhakna farz hai agar namaz main khula raha to namaz na hogi aur namaz ke siwa bhi agarche akele main hi bila wajah khole to gunahgar hoga iske siwa baqi libas main behtar ye hai ke pagdi sar par bandhe aur puri aasteen ki qameez ya kurta pehne aur takhno se uncha tehband ya pajama pehne in kapdon ke siwa uchkan waskit jo kuchh bhi pehne woh kafiron ke libas ki tarah na ho pagdi ke niche topi hona chahiye aur agar topi na ho to bhi sar ki khopdi dhak le aur agar khopdi khuli rahi aur aas paas pagdi lapeti rahi to sakht bura hai aur agar sirf topi lagae to aisi topi se bache jo kuffar aur fasiqon ki khas topi hai ek qaida yad rakho woh ye hai ke jo libas kuffaro ki qaumi nishani ho uska istemal musalmano ko haram hai aur aise libas se bachna chahiye ke log libas dekh kar jane ke ye libas gairon ka hai dusri zaroori baten apne ghar main Allah aur rasoolAllah sallallahu alaihi wasallam ka charcha rakho apni biwi bachon ko namaz ka sakht paband banao saat baras ke bachon ko namaz ka hukm do aur das baras ke bachon ko mar mar kar namaz padhao raat ko jald so jao subah ko jald jago apne bachon ko jald jagado kyonke woh rehmat ke nazil hone ka waqt hai bachon ko taleem do ke woh har kaam bismillah se shuru karen aur subah ke waqt tumhare gharon se quraan kareem ki aawazen aati hon ke quran shareef ki aawaz musibat ko talti hai jab ek ghanta nek kamo main kharch karo phir Allah ka naam lekar dunyavi karobar main mashgool ho jao
ALLAH HAME amal ki taufiq ata farmae aamin
Post a Comment